Oer it brûken fan sosjale media wurdt wakker ûngelyk tocht. De ien mient dat online farianten op freonskippen it gefaar fan devaluaasje fan it begryp ‘freonskip’ mei har mei bringe. Oaren sjogge de digitale netwurken as in geweldich plak dêr’t minsken fan oer de hiele wrâld by elkoar komme om harren tinzen, ideeën en ûnderfinings mei elkoar te dielen. Fan gibeljende partybisten op Hyves oant en mei oproppen ta demonstraasjes op Twitter en bedriuwen dy’t meiwurkers oanstelle om sa folle mooglik freonen op facebook te meitsjen: fynst der fan alles en noch wat. It ûnderwerp ‘freonskip en sosjale media’ biedt dêrmei mear as genôch stof om in rol te spyljen yn in koart literêr ferhaal.

It Friesch Dagblad en It Skriuwersboun wolle jong Frysktalich skriuwtalint in kâns biede om in grut lêzerspublyk te berikken. Ast in ferhaal fan maksimaal 725 wurden oer ‘freonskip en sosjale media’ skriuwst, makkest kâns op € 100,-. De ynstjoerings wurde hifke troch in saakkundige sjuery, besteande út de skriuwers/resinsinten Jaap Krol, Ate Grijpstra en Sigrid Kingma. De fjouwer winnende ferhalen wurde publisearre yn de Sneonspetiele fan it Friesch Dagblad. Dêrneist wurde de skriuwers útnoege om freed 8 juni harren ferhaal foar te lêzen op in feestlike literêre jûn, ôfwiksele mei optredens fan jonge muzikanten. In spesjale gast sil dêr dan de prizen útrikke.

Spulregels:

De wedstriid: stiet iepen foar dielnimmers oant en mei 25 jier.

Sjenre: proaza / ferhaal fan maksimaal 725 wurden yn it Frysk

Oanleverje:     foar 31 maart 2012 as Word-dokumint maile nei skriuwersboun@hotmail.com

Yn de mail: de titel fan it ferhaal, namme, leeftyd en adresgegevens.

It ferhaal der as in bylage by: de sjuery beoardielet de ferhalen anonym.

Alle dielnimmers krije foar 15 maaie berjocht. Oer de útslach kin net korrespondearre wurde.

De winners wurde in jier jang fergees lid fan It Skriuwersboun.

doch mei oan de skriuwwedstriid

en

 ‘please retweet’!

Komt it manuskript foar útjaan yn de beneaming en wurdt it yn de abonneminte-rige foar de leden fan de KFFB opnommen, dan stiet dêr in priis fan € 2.500,00 foar oer.

It wurk kin fan dizze tiid wêze, mar moat dan oanslute by de realiteit en de maatskiplike problematyk, mar in histoaryske roman wurdt likegoed op priis steld. De roman moat skreaun wêze yn geef Frysk en in persoanlike styl.

It foar de priisfraach ynstjoerde wurk sil beoardiele wurde troch in karkommisje. It hiele jier troch kinne der manuskripten ynstjoerd wurde.

Fierdere ynstruksjes en algemiene betingen kinst opfreegje by C. Rozendal-Boelens, skriuwer/skathâlder fan ‘e KFFB.

De útjefte wurdt fia boekhannels en oare winkels los ferkocht foar €2,95 en befettet njoggen ferhalen dy’t troch Anne Popkema yn it Frysk oerset binne.

Alhoewol’t de prizen noch net ferdield binne, is it oersetgroepke al wol troch de wedstrydlieding útnoege om by de útrikking oanwêzich te wêzen en mei te dwaan oan in profesjonele workshop oersetten, op sneon 25 febrewaris yn it Muzykgebou oan ‘t IJ yn Amsterdam.”

De twadde lêzing is fan ús foarsitter Sigrid Kingma en sil gean oer de Fryske berneliteratuer fan de ôfrûne tweintich jier. De lêzing wurdt op 14 febrewaris pas offisjeel holden yn de bibleteek fan Drachten, mar jim kinne al fan tefoaren heare wat der foar nijsgjirrige fynsten oer de Fryske berneliteratuer dien binne.

Datum: Woansdei 8 febrewaris

15.00 – 16:30: Sigrid Kingma, “Berneliteratuer: ûntjouwing en foarútsjoch oan de hân fan de ôfrûne tweintich jier”. Yn: Harmony seal 1315 0048.

19:30 – 21:30: André Looijenga”Skriuwe yn in lytse taal: Frysk, Furlan en Lëtzebuergesch en twa wêrom-fragen“. Yn: Harmony seal 1312 0019.

De tiden binne ynklúsyf diskusje neitiid en der sit in koart skoft op de helte fan beide lêzings.

Yn neifolging fan it súksesfolle Skanomodudiktee yn 2011, wie de Lustrumkommisje him der alles oan gelegen om wer sa’n diktee te organisearjen. Yn it kader fan it Lustrum waard Pieter de Groot frege en skriuw it diktee. It ûnderwerp moast passe yn it tema fan it Lustrum; fierders waard de âld-kultuerredakteur fan de Ljouwerter Krante frijlitten. In moai tal dielnimmers wie oanwêzich wêrûnder Jan Ybema, winner ferline jier, en Geart Tigchelaar, oanstoarmjend Frysk skriuwtalint. De sjuery waard foarme troch de skriuwer fan it diktee, oanfolle mei dosint Oebele Vries en Lustrumkommisjelid Dirk Jan Muntendam.

De skriuwkwaliteiten fan De Groot, dy’t twaris yn de wike yn de LC te bewûnderjen binne, kamen ta folle waaksdom yn it diktee: in moai ferhaal oer it Fryske ferline. It wie in drege wrakseling foar de dielnimmers. Hja suchten en stinden wakker wylst de Groot it somtiden poëtysk diktee diktearre. It gie fakentiid te rap foar guon, mar nei goed trije kertier stie it diktee by elts op papier.

De dielnimmers giene ûnder lieding fan de Lustrumkommisje nei ‘De Bank’ ta foar in boarreltsje, wylst de sjuery harren bekroadzje koe om it neisjen. Om goed njoggen oere wie de sjuery klear mei neisjen en ferfoegen hja harren by de yn smart wachtsjende dielnimmers. Nei de tanksizzing oan Oebele Vries en Pieter de Groot koe oergong wurde ta de útslach. Soe Jan Ybema wer winne of soe in ferrassende outsider in goai dwaan nei de titel? It gemiddeld tal flaters lei op 28, dêr’t de dielnimmers dochs wol fan opseagen. In soad flaters waarden makke yn de wurden ‘heechoppich’, ‘kant fan lea’, ‘De Gaulle’, ‘Koarnwert’ en ‘kasuwiel’.

De winner hie 10 flaters en dat makke, krekt as foarich jier, Jan Ybema ta winner. Op it twadde plak stie Geart Tigchelaar mei 18 flaters en Truus de Vries kompletearre it poadium as tredde mei 21 flaters. Foar de winner wie der in wiere beker. In wikselbeker wol te ferstean, sadat it Skanomodudiktee hooplik in moaie tradysje wurdt.

• Tekst Grut Frysk Lustrumdiktee Skanomodu 2012
• Foto’s

De folsleine útslach:

Fansels wiene der de ‘klassikers’: deldonderdoekje (parasjute), nútsjesmoar (pindakaas) en leechbydegrûnfrette (picknicke). Mar nije ynstjoerings wiene der ek by ’t soad: skodde molke (milkshake), kompakt skiif (cd), ûnthâldstokje (memory stick), tsjetterje/tsjotterje (twitterje), tsjilredens (skeelers) en it alderaardichste snoadfoan (smartphone). De wedstryd hie ek ynternasjonale diminsjes, want út Kanada wei waard ynstjoerd: spamje (spam omstjoere), wat kenlik brûkt wurdt troch deselde persoan dy’t in konsertfleugel as ‘ wjuk’ omskriuwt. It alderûnbegryplikste gévisme moat wol wêze ‘ triem’ (kompûterbestân), dêr’t ik mysels yn it ferline ek al wakker om besaud ha. Ek de literatuer is in sneupgroppe (Fundgrube) foar gévismen: Sjieuwe Borger komt yn It ferrin fan de tiid mei in ‘ skerteldûnseresse’ op ’e lapen. En yn Hanneke de Jong har De lêste brief hat personaazje Berber it om de ‘jouwerkletter’ (haverklap) oer ’ sjoddy’, wat de Fryske wjergader is fan ‘See you!’ Dat bylket en heart wakker Frysk, mar is sûnder kontekst folslein ûnbegryplik. Om’t it lykwols ek in Hollânske wjergader hat (‘ Zie je!’ ) hat it alle kâns om ek yn it Frysk húsriem te wurden. Hanneke de Jong is dêrmei de winner fan de gévisme-wedstryd – lokwinske! En oer de útslach mei omraken korrespondearre wurde – graach sels!

Sjoddy!

Datum: 17 jannewaris

Plak: seal 1313 0338 yn it Harmonygebou

Begjintiid: 19.00 oere

Opjefte:  lustrum@skanomodu.nl

Gesellich in drankje drinke en nei de tiid in hapke ite. Om it gehiel wat mear kasjet te jaan, soe it leuk wêze dat elts de pronk oanlûkt.

Datum: 21 desimber 2011, fan 17 oere ôf. Lokaasje: earst Stadscafe de Bank (Oude Boteringestraat 17, 9712 GC Grins), dêrnei ite wy yn de stêd.