It troch stúdzjeferiening Skanomodu organisearre Grut Frysk diktee is juster wûn troch studint Fryske taal en kultuer Jan Ybema. Mei fjouwer flaters hat hy de tekst, dy’t skreaun wie troch Pieter Breuker, it bêste skreaun fan alle tweintich dielnimmers.
“It waar as bedriging”, sa wie de titel fan de tekst dy’t de dielnimmers op papier sette moasten; in maatskippij-krityske boadskip, illustrearre troch it deistige waarberjocht, brocht de kandidaten yn 23 sinnen nei de moraal fan it ferhaal: “Haboes!”. De tekst hifke, sûnder dat de wurden al te útwrydsk wienen, de stavering fan it Frysk.
Jan Ybema, sûnt dit jier einredakteur fan it Skanoskrift, wie fansels út de skroeven mei de winst, de ivige rom en in boekebon fan tsien euro. Hy wie ien fan de benjamins fan it selskip en moast it opnimme tsjin benammen âldere studinten. Alumni Anouk Doornbos en Truus de Vries ha it him knap lestich makke en behellen ex aequo it twadde plak, ek (justjes minder) ivige rom, en elk in boekebon fan fiif euro. De korrektoaren, âld-dosint Taalfeardigens Pieter Breuker en hjoeddeistich dosint Taalfeardigens Anne Popkema, hawwe yn in oere tiid alle tweintich de diktees neisjoen en dêr kumulatyf rûchwei 600 flaters úthelle; in gemiddelde fan 30 flaters de man dus.
De folsleine tekst is hjirûnder te delladen. Ek in filmke, opnommen wilens it foarlêzen fan it diktee, sil online komme. De foto’s binne der alfêst, sjoch hjirûnder.
- Tekst Grut Frysk diktee Skanomodu 2011 (PDF-bestân)
Frisian_RUG
Dêr bin ik by fansels (at myn fytsbannen it oant dy tiid oerlibje, hin Johannes)
Jaa ik bin der ek by. Fansels is JJ de grutte favoryt yn myn eagen. Dit fansels troch it feit dat JJ hast it grut Frysk Diktee wûn hie wooT
Haha, lis de druk der mar wer op. Ik set myn jild lykwols yn op de jonge garde, dat wol sizze: ien fan de redakteuren fan it Skanoskrift.
Oh ik net. Do mut mar winne roflol
Hearen, hearen,
Wat meitsje jimme jim al drok! (Dat is oars wol mei rjocht hear: it giet om in p i t t i c h diktee …,mar fansels mei ivige rom foar de winner!)
Pieter Breuker
Kreas, Jan. Lokwinske.