Hjoeddedei binne de sosjale media net mear wei te slaan út de digitale wrâld. It leveret in maklike manier op foar minsken om mei elkoar yn kontakt te bliuwen. Sûnt hjoed binne Facebook en Twitter yntegrearre yn de webside fan Skanomodu. Skanomodu hat in eigen Facebookpagina, dy’t alle leden fan Facebook bestempelje kinne as “vind ik leuk”. Dat kin tenei hiel maklik yn de rûmte ûnder it menu.
Ek is by alle nijsberjochten dy’t op dizze side steane, inselde saneamde “vind-ik-leuk-knop” setten. Troch op dy knop te klikken kinst dat berjocht fuort op dyn Facebook-prikbord sette en it dêrmei “leuk” fine. Ek binne alle nijsberjochten tenei maklik te twitterjen. Atst op de “tweet-knop” klikst, kinst (ast ynlogd bist op dyn twitteraccount) fuortendalik in tweet pleatse mei in automatysk oanmakke shortlink nei it artikel op de webside fan Skanomodu.
Mei dizze, op it each simpele, technyske ynnovaasjes, hoopje wy ús webside noch oantrekliker te meitsjen foar ús besikers. Foar fragen kin maild wurde nei de behearder fan de webside op nijs @ skanomodu . nl
Frisian_RUG
De lêste reaksjes