Op tongersdeitemiddei 8 april hold Joke Corporaal spesjaal foar de leden fan Skanomodu in lêzing oer har promoasjetrajekt nei Anne Wadman. Joke is op 3 desimber 2009 promovearre op har proefskrift Grimmig eerlijk. Anne Wadman en het probleem van de Friese literatuur, in biografy oer Anne Wadman. It publyk bestie net allinnich út studinten en dosinten Fryske taal en kultuer, mar der wienen ek minsken ‘fan bûten’ by oanwêzich. Hartstikke moai!
Joke gong yn op it promoasjetrajekt sels: hoe is it om promoasjeûndersyk te dwaan, wat binne de falkûlen en wat smyt it op? Foar de studinten wienen dat nijsgjirrige fragen, om’t de measten fan ús noch net folle wisten fan promoasjes en de hiele proseduere dy’t der by heart.
Joke hat ús yn har lêzing in goed ynsjoch jûn yn de wrâld fan in ûndersiker en wêrÂ’t dy yn promoasjeûndersyk mei te krijen hat. It is dúdlik woarn oer wat foar kwaliteiten je beskikke moatte om in súksesfol researcher te wurden. Nei de lêzing wie der in boarrel yn it Paard van Troje, dêr’t in stik of fyftjin studinten en dosinten noch eefkes neiprate koenen.
Mear foto’s: klik hjirre
[de folsleine tekst oer wat promovearjen krekt ynhâld is te lêzen yn it kommende Skanoskrift]
——————————————
Datum: tongersdei 8 april
Tiid: 16 oant ± 17.30 oere (akademysk kertierke)
Plak: seal H12.019 yn it Harmonykompleks
Foar wa: elkenien!
Frisian_RUG
De lêste reaksjes