Jurrit Jan bliid mei twadde plak
Tiisdei 20 april wie it alwer foar de tsiende kear dat it Grut Frysk Diktee hâlden waard. De Steateseal fan it tydlike provinsjehûs iepene de doarren foar 35 finalisten en 10 pommeranten. It diktee wie skreaun troch Piter Wilkens mar oplêzen troch skriuwster Auck Peanstra. It wie net sa dreech as bygelyks it Groot Dictee der Nederlandse Taal, mar der sieten dochs inkelde lestige wurden yn. De ferrassende winner wie de krekt ôfstudearre klassikus André Looijenga; 5 fouten waarden troch him makke.
It twadde plak wie net minder ferrassend foar ús eigen Jurrit Jan dy’t mar ien flater mear makke as de nûmer ien. Foar beiden wie it harren earste dielname. Pas op it tredde stek komme wy guon tsjin dy’t al iennige ûnderfining hiene mei it diktee. Fedde Dykstra (winner fan 2006) en Rikele Hollema (twadde yn 2008) dielden it tredde stee mei 7,5 flaters. De nûmer ien fan de pommeranten wie Lida Dijkstra mei 8,5 flaters. Guon as Geart de Vries en Gurbe Douwstra kamen net ûnder de tsien flaters.
Mear foto’s: klik hjirre
Frisian_RUG
De lêste reaksjes