Rink van der Velde wie in grutmaster op it gebiet fan it koarte ferhaal. Ferneamd binne syn kroech- en fjildferhalen en fansels syn Bokwerder stikken.
Yn it ramt fan it Rink van der Veldejier dat troch de gemeente Smellingerlân organisearre is yn 2010 wurde jo troch de gemeente útnoege om mei te dwaan oan de fjildferhalewedstriid. Skriuw in fjildferhaal dat ynspirearre is troch it wurk fan it Rink van der Velde! Hy wie in grut leafhawwer fan De Deelen en de natuergebieten fan It Fryske Gea, lykas de Alde Feanen en it wetterlân by De Feanhoop wêr’t syn arkje lei. Sels mocht er ek graach fiskje of jeie of nei de avontoeren
harkje fan natoerminsken dyÂ’t er gauris yn syn stamkroech trof.
Reglemint
Jo bydrage oan de wedstriid is in koart ferhaal fan op syn heechst 750 wurden. De ynstjoerings kinne yn it Frysk of yn it Bokwerts skreaun wêze. It tema foar dizze ferhalen is: natoer en fjild fan Fryslân. De ferhalen moatte typt of as print oanlevere wurde. Ferhalen dy’t mei de hân skreaun binne, dogge net mei.
Set jo namme en folsleine postadres oan de boppekant fan jo ynstjoering. Ynstjoerde ferhalen wurde net weromstjoerd, it is dus saak om sels altiten in kopy te bewarjen!
Allinne ferhalen dy’t net earder publisearre binne, kinne meidwaan oan dizze wedstriid. De organisaasje fan it Rink van der Veldejier hat it earste publikaasjerjocht fan de trije winnende ferhalen. Nei ôfrin fan de wedstriid kinne de dielnimmers oan de ferhalewedstriid har bydragen fansels wer op eigen manneboet foar publikaasje oanbiede oan tydskriftredaksjes en útjouwerijen.
De trije winnende ferhalen wurde publisearre yn: it ledeblêd fan It Fryske Gea en it blêd fan Smelne’s Erfskip.
Termyn
Jo kinne jo fjildferhaal oant 1 augustus 2010 ynstjoere oan Ynskje Hoekstra, gemeente Smellingerlan, Postbus 10.000, 9200 HA Drachten of oan it e-mailadres y.hoekstra @ smallingerland . nl.
Uterlik 1 oktober 2010 krije de priiswinners bericht. De earste priis bestiet út: € 150,-. De twadde en tredde priis binne € 50,- en de sân oare bekroande ynstjoerings krije in boekepakket kado. De priisútrikking fynt plak tiidens de ôfslutende jûn fan it Rink van der Veldjier yn kafee Marktsicht yn Drachten ein 2010. De sjuery bestiet út: Ynskje Hoekstra, Jelma Knol, en Fokke Wester.
Foar mear ynformaasje oer it Rink van der Veldejier ferwize wy jo nei de website fan de gemeente Smallingerlân: www.smallingerland.nl
Frisian_RUG
De lêste reaksjes