Dit is gjin aktiviteit fan Skanomodu, mar fan it FYK.
De utwikselkommisje fan it FYK organisearret yn de simmer fan 2009 in ynternasjonale útwiksel. It FYK siket noch Fryske jongeren dy’t hjir oan mei dwaan wolle. Dit jier is de útwiksel yn Fryslân en de kommende jierren sil dizze útwiksel yn it bûtenlân wêze.
Foar dizze útwiksel binne oare jongerein fan ferskate minderheden yn Europa útnoege. Yn alle gefallen binne der:
- Burgenlandkroaten út Eastenryk
- Bretonnen út Frankryk
- Hongaren út Servië
- Vlachs út Macedonië
- En fansels: Friezen út Nederlân
Mei elkoar wolle wy der in leuke wike fan meitsje. It doel is om jongerein fan ferskillende minderheden yn Europa op in ûntspannende wize mei-inoar yn kontakt komme te litten. Dizze simmer by ús, en de kommende jierren sil it FYK dan op reis nei it bûtenlân ta.
It tema fan de útwiksel is: ‘Minority & Marketing’. Dat tema sille wy yn ekskurzjes en workshops fierder útwurkje. Dat dogge wy oan de hân fan de folgende punten:
- Set dyn taal op de kaart.
- Set dyn kultuer en sport op de kaart.
- Set dyn eksportprodukt op de kaart.
Dêrneist is der yn it programma in soad tiid om te relaxen en gesellich mei elkoar op stap te gean. Want dêr giet it úteinlik om by it FYK: Ynternasjonaal Kontakt.
Meidwaan?
De útwiksel wurdt hâlden fan snein 26 july oant snein 2 augustus 2009. Wy oernachtsje yn Rekreaasjesintrum it Bûtenfjild yn Feanwâlden.
- Fynsto it leuk om kontakt te meitsjen mei jongerein út Europa?
- Hasto ynteresse yn it Frysk en oare minderheidstalen?
- Bisto tusken de 18 en 25 jier?
Dan bisto in goede dielnimmer foar ús útwiksel!
De kosten foar dielnimmers út Fryslân binne € 50 foar de hiele wike. Foar mear ynformaasje kinst kontakt opnimme mei Sieta ( aktiFYKteiten@fyk.nl). Kinst net mei dizze útwiksel mei, mar wolst wol in oare kear mei it FYK op paad? Meld dy dan oan as lid of freegje mear ynformaasje oer it FYK.
Boarne en mear ynformaasje: www.fyk.nl
Frisian_RUG
De lêste reaksjes