Tresoar is IT Frysk historysk en letterkundich sintrum. As sadanich beheart it in grutte wittenskiplike biblioteek, in kolleksje argiven fan en oer Fryslân en in grutte samling dokumintaasje en objekten oer de Fryske literatuer. Ek fersoarget Tresoar kursussen foar elk dy’t dêr niget oan hat. Dit kursusjier biedt Tresoar twa nije kursussen oan.
Op it mêd fan de poëzij kin in basiskursus poëzij folge wurde, dy’t fersoarge wurdt troch Eppie Dam, bekend as dichter, oersetter en earder ek al as dosint by Tresoar.
Fierder kin keazen wurde foar in kursus Recensies schrijven. Dy kursus sil jûn wurde troch Aleid Truijens, bekend as resensint fan De Volkskrant. De kursus fan trije kear is ornearre foar elk dy’t him dwaande hâlde wol mei it skriuwen fan resinjes, of dy’t himsels dêr fierder yn bekwame wol.
Tresoar hat in aparte start-aktiviteit op sneon 12 septimber, nammentlik ien ‘losse workshop’ dy’t jûn wurdt troch Jetske Bilker, ‘Mei de sintugen iepen it wetter op’. De dielnimmers oan de workshop meitsje in preamfeart troch de Ljouwerter grêften. Foar mear, sjoch www.tresoar.nl, ‘Aginda’ by 12 septimber.
It folsleine kursusprogram is te finen op www.tresoar.nl.
Frisian_RUG
De lêste reaksjes