Op sneinemiddei 14 juny jout studinteorkest Mira har Lustrumkonsert yn de Oosterpoort fan Grins.Op it programma stiet de Symphonie Fantastique fan Berlioz. Dit is in geweldich moaie symfony út de romantiske perioade (1830), dy’t Berlioz skreau oer syn ferhâlding mei de Ierske aktrise Harriet Smithson. Berlioz hat sa’n soad fernijingen tapast yn dit stik: de orkestbesetting is oars as oars, mei bygelyks wol fjouwer harpen en fagotten. Ek de wize fan spyljen is yn guon passaazjes ûngebrûklik. It stik hat altyd grutte yndruk makke op de tahearders en it is ien fan de belangrykste orkestwurken út de muzykskiednis.
Neist de Symphonie Fantastique wurde der ek in oantal wurken fan Mascagni, Dvorak en Puccini spile. Dit binne foaral aria’s, dy’t song wurde sille troch in geweldich goeie sopraan.
It konsert begjint om 14:30.
Kaartsjes kinne kocht wurde by Gerbrich (Skanomodu bestjoerslid en fioliste by Mira) tsjin foarferkeap taryf. Dit is 7 euro foar studinten/65+ en 11 euro foar folwûksenen. Stjoer in mailtsje nei gerbrich @ skanomodu . nl en dan rêdt dy dermei.
TIP: 14 juny is it heitedei, dus nim jim heit mei!
Update: oké, it blykt 21 juny te wêzen, mar goed, wy meie graach wat op dy saken foarútrinne. It bliuwt in moai kadootsje foar heitedei!
Frisian_RUG
De lêste reaksjes