Punt of komma?
It Skriuwersboun, dé organisaasje foar belangebehertiging fan skriuwend Fryslân, organisearret yn ’e mande mei Tresoar in temamiddei mei de titel: Fryske Literatuer: Punt of Komma? Op dizze middei sil in debat fierd wurde oer de takomst fan de Fryske letteren.
De neikommende minsken sille in ynlieding hâlde en dielnimme oan de diskusje:
Jannewietske de Vries – kultuerdeputearre
Jitske Kingma Р̼tjouwer
Bert Looper – direkteur Tresoar
Elske Schotanus – skriuwster en bestjoerslid
Koos Tiemersma (foarsitter fan it Skriuwersboun) sil de diskusje tusken dielnimmers en publyk liede. Jo wurde fan herten útnoege om mei te praten!
Datum: sneon 8 novimber 2008
Tiid: ynrin 13.30 oere; start 14.00 oere
Plak: Tresoar, Bûterhoeke 1, Ljouwert
It Skriuwersboun en Tresoar binne fan doel yn ’e takomst regelmjittich in Literêr Kafee te organisearjen. Wy hoopje dat dizze debatmiddei (mei fansels skoft en neisit!) in moaie ôftraap foarmje sil. Tagong fergees! Plak reservearje/opjaan uterlik tongersdei 6 novimber fia info@tresoar.nl of skriuwersboun@hotmail.com
Stellingen:
1. Frysk skriuwe is net seksy
2. Op nei ien grutte útjouwer: ’Iendracht makket macht’
3. Elke ynspanning om de Fryske literatuer te befoarderjen is lûke oan in dea hynder
4. iPods en e-boeken: kâns of falkûle?
Frisian_RUG
De lêste reaksjes