Op snein 7 septimber fan 10 oere ôf is yn ‘Centrum voor de Kunsten a7, it eardere kreativiteitssintrum De Cirkel, Minckelersstraat 11 op It Hearenfean de jierlikse Provinsjale Skriuwdei. Elkenien mei belangstelling foar kreatyf skriuwen is fan herten wolkom! Der binne workshops te folgjen fan Rapper Remon, columnist Jantien de Boer, skriuwster Jetske Bilker en in protte oaren.
Op snein 7 septimber is it wer sa fier: De jierlikse Provinsjale Skriuwdei. Hast belangstelling foar kreatyf skriuwen? Dit is dyn kâns om op in leuke manier ynspiraasje en ideeën op te dwaan. Tsien ferskillende workshops. In beamerpresintaasje oer ‘De schrijver en internet’. Literêr poadium mei as tema: ‘Fan idee nei boek’.
Ien fan de workshops wurdt jûn troch Rapper Remon. It doel fan de workshop is om selsstannich in rapnûmer te skriuwen en dêr fol selsbetrouwen mei op te treden. De talen dy’t brûkt wurde binne Nedderlânsk, Frysk en Ingelsk. Remon sels docht de workshop yn it Frysk.
Jantien de Boer, bekend fan har kollums yn de Ljouwerter Krante, sjocht in kollum as in ienhapscracker en tagelyk as in yndikke ferhaal. Under har begelieding giest yn de workshop sels oan de slach.
Skriuwster Jetske Bilker sil dy mei allerhanne tips op paad helpe om in idee foarm te jaan yn tekst.
De hiele dei troch binne der workshops fan yn totaal tsien ferskillende dosinten. Foar mear ynformaasje, it folsleine programma en oanmelding, sjoch www.skriuwdei.nl.
Lokaasje: It Hearrenfean, Centrum voor de kunsten a7, Minckelersstraat 11.
Datum: 7 septimber fan 10:00 oant 17:00 oere.
Boarne: www.skriuwdei.nl
Frisian_RUG
De lêste reaksjes