Wat in gelok dat it droech is …
Yn it wykein fan 12 o/m 14 septimber lêstlyn wie it dan safier, it earste Skanokamp. Op in prachtige lokaasje yn ‘e omkriten fan ‘e Gordyk stie it kampement. It kamp sil de boeken yn gean as Legindarysk.Freedtejûns om in oer as njoggen wiene de minsken fan ‘e freedtejûn dêr. Wy hiene in wakker smûke jûn, bytsje yn ‘e tinte sitten om sa inoar op in wat oare manier kennen te learen. Letter dy nacht hiene wy it koehappen mar ynruile foar in nachtlike potsje kubb, wat in grut súkses wie. Ek it nachtlike potsje lummelje wie ek wol foar werhelling fetber. De nachts noflik sliepen yn ‘e grutte tinte, wat wakker smuk wie. De oare moarns waarden wy om kofjetiid hinne wekker. Earst in pear bakjes en wat moarnsiten om dêrnei of te setten nei It Hearrrenfean foar it kulturele programma. Op it stasjon waarden noch trije fruolju oppikt, wêrûnder twa famkes út Poalen. Om tolve oere hiene wy in ôfspraak yn it Abe Lenstra Stadion foar in rûnlieding. It waard in tige learsum en nijsgjirrige middei. De middeis wer nei Gordyk foar lunsj. Nei de lunsj wer in aktive middei. De jûns mei ús allen oan it Sjineesk iten om ‘e grutte tafel. Jûns noch efkes nei Grou west om dêrnei ús wer yn ‘e Gordyk del te jaan. Sneins de brut opromme om yn ‘e rin fan ‘e middei wer nei hûs te gean. Al mei al wie it in wakker slagge wykein!
Groetnis,
De kampcie.
Ps: In wiidweidiger ferslach sil sa gau as mooglik op dit plak ferskine.
Frisian_RUG
De lêste reaksjes