De foto’s fan it Frysk Filologekongres, en alle geselligens dêr omhinne, steane online. Klik op it plaatsje hjirûnder of sjoch yn it menu ûnder Foto’s.
 |
| Frysk Filologekongres 2008 |
Balâns en Perspektyf fan de Frisistyk
Op 10, 11 en 12 desimber 2008 organisearret de Fryske Akademy foar de achttjinde kear it Frysk Filologekongres. It kongres wol in poadium wêze foar it wittenskiplik debat oangeande de Frisistyk yn ’e breedste sin. De fiertalen binne: Frysk, Nederlânsk, Ingelsk en Dútsk.
It kongrestema is dizze kear: balâns en perspektyf. Dit tema is keazen om’t de Fryske Akademy dit jier 70 jier bestiet, in goed momint om nei te gean wat de Frisistyk (op ’e Fryske Akademy) de ôfrûne 70 jier berikt hat en om foarút te sjen: wat binne de útdagingen, wat binne de kânsen. De ynfolling fan it tema rjochtet him dêrby op trije ûndersyksfjilden:
1. Leksikografy / Taalkunde.
2. Literatuer- en kultuerskiednis.
3. Taalsosjology / Sosjolinguistyk.
De opset fan it kongres sil sa wêze. Elke dei wurdt út ein set mei twa plenêre lêzingen (in balâns- en in perspektyflêzing), dêrnei folgje parallelsesjes en de dei wurdt plenêr ôfsletten mei wer in perspektyflêzing.
It kongres wurdt hâlden yn Ljouwert yn sealesintrum It Aljemint fan ’e Fryske Akademy. De kongreskosten binne € 70,- foar it hiele kongres of € 30,- deis (ynkl. kongresdokumintaasje, kofje/tee en lunsj), mar lêzinghâlders binne frij fan kongres- en reiskosten foar de dei dat se in lêzing hâlde. Studinten ha fergees tagong ta it kongres. Op tongersdei 11 desimber is der in kongresdiner. De kosten dêrfan binne € 30,-.
De kongreskommisje:
Piter Boersma
Goffe Jensma
Reinier Salverda
Frisian_RUG
De lêste reaksjes