Op 22, 23 en 24 augustus sil FFJ Bernlef in benefytsaksje organisearje. Hja sille op in fytskafee de alvestêdetocht fytse en yn trije stêden in evenemint organisearje. Middels dizze aksje wolle hja jild ynsammelje om de boete, dy’t hja oplein krigen ha om’t hja ûnrjochtmjittich in Fryske kameleonfilm makke ha, betelje te kinnen. Ek wolle hja mei dizze aksje graach wat betsjutte foar de Fryske taal en kultuer.
Seis jier lyn hat Bernlef in Fryske Kameleonfilm makke, as parody op de al earder publisearre Nederlânsktalige Kameleonfilm. Utjouwerij Kluitman wie lykwols net al te posityf oer it inisjatyf fan Bernlef. Nei in gerjochtlike proseduere is harren in boete oplein, omÂ’t hja ynbreuk makke hawwe soenen op Kluitman’s auteursrjochten. De parody op de Kameleonfilm, mei as doel it Frysk en de Fryske kultuer te promoatsjen, hat Bernlef úteinlik in protte jild koste.
FFJ Bernlef sil yn it wykein fan 22, 23 en 24 augustus 2008 in “benefytsaksje” organisearje, om sa de boete finansiere te kinnen. Mei in fytskafee sille hja de alvestêdetocht fytse. Alle alve stêden wurde oandien en yn Frjentsjer, Dokkum en Snits wurde eveneminten organisearre. Freedtemoarn start de alvestêdetocht yn Snits. Dy jûns sil it fytskafee oankomme yn de âlde universiteitsstêd Frjentsjer. Dêr sil in grutte Fryske kenniskwis organisearre wurde. Yn teater “de Koornbeurs” sil op ludike wize de kennis fan ferneamde en minder ferneamde Friezen oer harren provinsje test wurde. Hokker Fries wit it meast fan Fryslân? Eltsenien dy’t ynteressearre is, is wolkom en kin meidwaan.
Op sneon sil it fytskafee oankomme yn de meast noardelike Fryske stêd: Dokkum. Dokkum sil yn it teken stean fan sport en jongerein. Der wurdt ûnder oaren in kriich organisearre, dêr’t ferskate keten en oare jeugdhonken stride sille om “de sterkste keet-bokaal”.
It wykein sil spetterjend ôfslette wurde mei in grut Frysk konsert. Dit benefyt(s)konsert sil plak fine op 24 augustus yn Snits. Under oaren Sebeare, Piter Wilkens en Jitiizer sille optrede op ‘e Marktstrjitte fan de wetterpoartestêd.
Boarne: www.benefytsaksje.nl
Frisian_RUG
De lêste reaksjes